Polizia eta Larrialdietako Euskal Akademiak egunero jarraituko du lanean berdintasunarekin duen konpromisoarekin aurrera egiteko.
PLEA2021/03/08
Egun honetan, Iñaki Suinagak urtero bidaltzen dizkigun bertsoak abestera gonbidatzen zaituztegu.
Bertsoa deskargatu
Aspalditxoan ezagutu ta
elkarren lagun e(g)in ginen,
lagun on batek dun balioa
ez da sekula_akabatzen.
Laguntasunak beharra_asetzen
konponbidea du_ekartzen,
eta genero moten artean
berdintasuna du sortzen.
Adiskideak eta lagunak,
beraz, beti_izan gaitezen.
Jendarte libre eta askea
eraikitzeko orduan
emakumeek amesten duten
berdintasuna goguan.
Gizonek ere_hori_izan beharko
dute bihotz ta buruan.
Aldaketa handia ezarri
behar da gure munduan.
Esan daiteke hori guztia
dagoela gure_eskuan.
Neurria: Hamarreko handia
Doinua: Andereño bat ikusi nuen
