Miren Dobaran Polizia eta Larrialdietako Euskal Akademiaren zuzendari nagusia buru dela egin da gaur goizean “PAREZ PARE: indarkeriazko portaeraren ebaluazioa” jardunaldia, Eusko Jaurlaritzak eta Euskal Herriko Unibertsitateak antolatu dutena portaera bortitzaren zenbatespena zertan datzan aztertzeko, hainbat teknika aplikatuz genero-indarkeria, adingabeak eta gazteak eta sexu-delinkuentziaren eremua bezalako kasu desberdinetan aztertzeko.
Polizia eta Larrialdietako Euskal Akademiak eta Kriminologiako Euskal Institutuak (IVAC-KREI) segurtasun publikoarekin erlazionatutako jarduera akademikoak egiteko elkarlanean jarduteko helburuarekin bi erakundeek izenpetutako hitzarmenaren esparruan egin dira jardunaldiak.
Azken edizio honetan, gonbidatutako hizlariek gai hauek jorratu dituzte:
“Indarkeriazko portaeraren arriskua ebaluatzea. Egoera kritikoei buruzko aipamen berezia”.César San Juan Guillén, Psikologia Kriminaleko irakaslea (UPV/EHU) eta Delinkuentzia, Marjinalitatea eta Harreman Sozialei buruzko Nazioarteko Ikerketa Zentroko zuzendaria.
“Indarkeriazko portaeraren arriskuaren ebaluazioa genero-indarkeriaren eta etxeko indarkeriaren testuinguruan”.Ismael Loinaz Calvo. Psikologian doktorea. Ramón y Cajal ikertzailea, UPV/EHU.
“Adingabe eta gazteen artean indarkeria- eta berrerortze-arriskua baloratzea eta kudeatzea”.Nahikari Sánchez-Herrero. Kriminologian doktorea. Errioxako Nazioarteko Unibertsitateko Ziberdelinkuentziako Unibertsitate Masterreko irakaslea eta koordinatzaile akademikoa (ENU).
“Sexu-erasotzaileen indarkeriazko portaeraren arriskua baloratzea”.Thuy Nguyen Vo. Psikologian doktorea. Bartzelonako Unibertsitateko -BU- Indarkeriari buruzko Ikerketa Aurreratuen Taldeko ikertzailea (IAT).
